أخبارنا المغربية
نشرت صفحة الملك محمد السادس بالفايسبوك ، قبل قليل ، صورة جمعت الملك محمد السادس بالفنانة سميرة بلحاج وزوجها ، و أورد المشرف على الصفحة سـفيـان البـحـري تفاصيل عن الصورة في التدوينة التالية :
مر الملك محمد السادس نصره الله من شارع الزرقطوني بمدينة الدار البيضاء في الساعة .الواحدة والنصف بعد منتصف ليلة أمس
وفي اتصال للفنانة المغربية المتألقة سميرة بلحاج بمدير صفحة الملك محمد السادس، سفيان البحري، أخبرتنا: « كنت أنا وزوجي سامر فالسيارة وبان لينا الشارع فيه البوليس وعلى غير طبيعته وهو يقول ليا سامر، واقيلا سيدنا غادي يدوز من هنا، ماكاملاش خمس دقائق حتى كان حدانا، وأنا نقول لو الله يبارك فعمر سيدي »
وأضافت الفنانة المغربية في اتصال مع سفيان البحري: « بقينا غاديين معاه فالطريق وكانتكلمو، قلت لو أنا الفنانة سميرة بلحاج ومن بعد وقّف سيدنا سيارتو، هبطنا عندو وهو يسولني شنو كاتغني؟ قلت لو أنا صاحبة أغنية واعرة بلادي. تبسم وقال لي تبارك الله عليك، كلامو كان حنين ماتخيّلش الإحساس اللي حسيتو زوجي قال ليه: أنا فرحان بزاف أول مرة نشوفك مباشرة، وسيدنا لاحظ اختلاف اللهجة ديال سامر وسول على الجنسية ديالو وقلنا لو لبناني »
وأخبرت الفنانة المغربية سميرة بلحاج سفيان البحري: « قلت لو عندي جوج بنيتات، وريتو صورة بنتي فالبورطابل، قال ليا شحال عندها - خصّك تشوف الحنان للي كان فصوتو وهو كايسوّل على عمر بنتي، حنان مافحالو حنان - قلت لو عندها 7 سنين والثانية يلاّه ولدتها هادي 15 يوم،... خدينا صورة تذكارية مع ملكنا وشفت أحسن شخص فالعالم بطيبتو وقلبو الكبير ».
