العثماني: المغرب تجاوز خطر "أنفلونزا الخنازير"..وخرج منه سالما

أخبارنا المغربية - عبد الرحيم مرزوقي 

قال رئيس الحكومة والأمين العام لحزب العدالة والتنمية، سعد الدين العثماني، أن المغرب تجاوز خطر أنفلونزا الخنازير "h1n1".

وأكد العثماني خلال لقاء اللجنة المركزية لشبيبة حزب العدالة والتنمية، اليوم السبت "هاداك زكام عادي ولكن الكثير من الناس بداو كيصدقو الإشاعات وكيبنيو معلومات غير صحيحة إلى أن ساد الفزع بين بعض الأسر".

وتابع  الأمين العام لحزب العدالة والتنمية "حنا عيينا نقولو بأنه زكام عادي ولكن عندما يصيب إنسان عندو ضعف فالمناعة ممكن يؤثر فيه تأثير كبير… قلنا أن الحالة الوبائية فالمغرب حسن من العام اللي فات وهاد الشي قلناه حيت عندنا متخصصين وآليات ديال المتابعة لتطور هاد المرض".

ويزيد العثماني "ما كاينش مشكل كبير، وهاد الشي الحمد لله تجاوزناه، واليوم ما بقا حتى شي مبرر حتى الإنسان باش يدير التلقيح، اليوم ما بقاش معنى ليه، صحيح أن وزارة الصحة كتحرص على أن العاملين في قطاع الصحة يديرو التلقيح".

ويضيف الأمين العام ل"المصباح" "هادي خرجنا منها سالمين، حنا متألمين لوفاة بعض الأشخاص، ولكن كنقول أن السبب الرئيسي ديال الوفاة ديالهم ماشي هو داك الأنفلونزا ، لكن عامل إضافي".

وبخصوص إغلاق بعض المدارس لابوابها بمجموعة من المدن مخافة الانفلونزا ، اعتبر أن الامر هذا مبالغ فيه، وقال "جوج مدارس تغلقو حسب العلم ديالي، وما عندهومش مبرر حيت يلا كان واحد مريض يمشي يجلس فدارو ماشي نسدو المدرسة".