طريقة تحضير كيكة بدانيت وكريمة القهوة

:المقادير

(،العبار بكاس دانون دانيت 90غ) 5 بيضات، كاس دانيت بشكلاط، 3 كيسان سنيدة، 3/4 كاس زيت، 1/2 كاس كاكاو، 1/2 كاس قهوة معصرة، 3 كيسان طحين، 3 خمارات

:طريقة التحضير

طربي دانيت مع سنيدة مزيان

تزيدي الزيت،القهوة وتخلطي عاد تزيدي البيض وحدة بوحدة مع قريصة الملح يعني تزيدي بيضة وطربي وتزيدي تانية وطربي حتا تكملي زيدي الطحين مغربل مع الخميرة والكاكاو و حركي بسباتيل دخلي طيبيها بحال أي كيكة عادية و خليها تبرد

كريمة القهوة 1/4 لتر حليب، زلافة صغيرة قهوة معصرة او كاس عنبة، 3 معالق كبار سنيدة، 3 معالق كبار كريم باتسيير، 80غ شكلاط، معلقة كبيرة الزبدة

عملي الشكلاط مع الزبدة يدوب وفوق نار مهيلة عملي الحليب والقهوة مع غبرة الكريم باتسيير و سنيدة وحركي حتا يعقاد ملي يعقاد زيدي الشكلاط المدوب

قسمي الكيكة على جوج و سرحي الكريمة وغطيها بالطبقة الثانية ديال الكيكة وحتا جناب الكيكة

كلاصاج دانيت بالشكلاط 100 غ شكلاط أسود في بان ماري كتسخني دانيت و تزيدي الشكلاط حتا يدوب و سرحي فوق الكيكة وكتعملي نقيطات كبار بكلاصاج كراميل و كتعمليخطوط عشوائية وتحصلي على شكل رخامي وفي جناب زوقتها بشكلاط فرميسيل

وبالصحة والراحة