السلطات المغربية تفرج عن أحد معتقلي حراك الريف

قالك "يبدو أن الوقفات الاحتجاجية التي قام بها عدد من النشطاء تضامنا مع معتقلي حراك الريف، قد بدأت تؤتي أكلها" إوا زيدو لخل على لخلول حتى نتوما!!! راه أفرج عنه لأنه تم قبول طلب السراح بخصوص معتقل واحد، وذلك نظرا لظروفه الصحية المزرية. وهادشي تيعني أن الأمور غادة بشكل قانوني. تيقولو ديرها فراس لحمق وتهنا!!! ملي "الصحافة" تولي تقول أنه طلقوه بسبب الوقفات وتتحط بشكل رئيسي مع الدخلة يعني هادا سميتو التحريض آمولاي!!! لأنه الخبر الصحيح حطيتيه بشكل ثانوي وهو التسريح بسبب الضروف الصحية إوا لي تيقمع وتيضلم صحيح ولا مريض تبقا فالبنيقة. شوية ديال المسؤولية فيصياغة ونشر الأخبار راه القضية ما ناقصاش باش تزيدو تشعلوها تقاو الله فبلادكم راه كون فعلا بنادم تيعطيوه الشحط كون كلشي داخل جواه كيف زمان! راه فرق بين حرية التعبير والحقوق المطلبية العادلة وبين الفوضى لأنه لي واقع دبا راه تصفية حسابات راه واخا يفرجو على المعتقلين كاملين وينفدو الوعود كاملين الأمر تجاوز الشارع الريفي والطبخة تيصوبوها كل من المؤتمر العالمي الأمازيغي، وبارونات المخدرات، والإسلامويون المتشددون، واليسار الراديكالي وزيد التيار الشيعي لي استقطب مهاجرين المنطقة فالخارج وغيرهم! يستغلون مطالب المواطنين الشرعية ليدفعو بهم لما لا تحمد عقباه. الحوار بالعقل وبكل وضوح يشمل كل أبناء الوطن على شرط تكون معرفة سياسية بالأوضاع لأنه بزاف خارج وتيردد فقط ما قيل له ويلا حبستيه وسولتيه يبقا يتمتم ولا يجبد لك منار وموازين بحال يلا هما سبب كل الآفات لي وصلنا ليها ولا يقولك بغيت يسكنوني ويخدموني ويزوجوني وأنا ما ندير حتى مجهود بغيت حقي فالبلاد بحال يلا المغرب وزيعة! وحق المغرب علينا شكون يعطيه ليه؟ لي المسؤولين ما دايرينش خدمتهم المواطن العادي باغي حقوقو وما عندو غرض فواجباته بنادم واحد 17 لعام تيجري ويجاري باش تتحسن الأمور يبني فقنت ويجيو وراه يهدمو فين غادين بهادشي راه عار المغرب علينا كاملين آلخوت. دبا حنا فمفترق طرق ويلا ما عرفناش كيف نتصرفو حكومة وشعبا باش ندوزوها بسلام غير الله يدير لينا تاويل دلخير